ພາທ່ຽວອາຊຽນ

10 ເມືອງທີ່ໜ້າທ່ອງທ່ຽວໃນອາຊຽນ:

ມື້ນີ້ເຮົາຈະມາແນະະນຳ 10 ເມືອງທີ່ໜ້າທ່ຽວຂອງປະເທດໃນອາຊຽນ ວ່າແຕ່ລະເມືອງມີສະເໜ່ທີ່ແຕກຕ່າງກັນ ແລະ ມີເອກະລັກ ວັດທະນາທຳ ທຳມະຊາດ ກັນແນວໃດ

1.ຮອຍອັນ ປະເທດຫວຽດນາມ(Hoi An, Vietnam)

ຮອຍອັນເປັນເມືອງນ້ອຍໆ ທີ່ເຕັມໄປດ້ວຍສະເໜ່ຂອງຫວຽດນາມ ຖ້າຍ່າງຫຼີ້ນໃນເມືອງຈະພົບກັບວັດເກົ່າແກ່ ບ້ານແບບບູຮານ ແລະ ບັນຍາກາດຄ້າຍຄືກັບໄປໃນອະດິດ ຮອຍອັນຈຶ່ງຖືກເລືອກໃຫ້ເປັນໜຶ່ງໃນເມືອງມໍລະດົກໂລກໂດຍ UNESCO ແລະ ເມື່ອທ່ານມາຮອຍອັນສິ່ງທີ່ຂາດບໍ່ໄດ້ຄືອາຫານພື້ນເມືອງຂອງຫວຽດນາມທີ່ມີໃຫ້ເລືອກຫຼາຍຢ່າງ

ສະຖານທີ່ແນະນຳທີ່ທ່ານຄວນໄປ

• ສະມາຄົມຟຸກກຽນ (Phouc Kien Assembly Hall) – ແມ່ນສູນກາງຂອງການທ່ອງທ່ຽວຊົມເມືອງບູຮານຮອຍອັນເປັນສະມາຄົມຂອງຊາວຈີນທີ່ໃຫຍ່ແລະເກົ່າແກ່ທີ່ສຸດໃນຮອຍອັນ
• ສະພານຢີ່ປຸ່ນ (Japanese Covered Bridge) – ໜຶ່ງໃນສັນຍາລັກຂອງຮອຍອັນ ກໍ່ສ້າງໂດຍຊາວຊຸມຊົນຊາວຢີ່ປຸ່ນເມື່ອ 400 ກວ່າປີກ່ອນ
• ແມ່ນ້ຳໂບນ (Thu Bon River) – ແມ່ນຳ້ສາຍສຳຄັນຂອງເມື່ອງຮອຍອັນ ປະນຈຸບັນສອງຝັ່ງຂອງແມ່ນຳ້ເປັນທີ່ຕັ້ງຂອງຮ້ານອາຫານ ບາ ຄາເຟ ແລະ ຮ້ານຄ້າຕ່າງໆ ເປັນຈຸດທີ່ນັກທ່ອງທ່ຽວນິຍົມກັນຫຼາຍ
• ຫາດເກົາໄດ໋ (Cao Dai Beach) – ອອກຈາກເຂດເມືອງເກົ່າໄປບໍ່ໄກ ຈະພົບເຫັນຊາຍຫາດງາມໆ ບັນຍາກາດສະເຫງົາ ບໍລິເວນຊາຍຫາດຍັງມີຮ້ານອາຫານທີ່ແຊບຫຼາຍຮ້ານໃຫ້ເລືອກນຳອີກ

ການເດີ່ນທາງໄປທ່ຽວຮອຍອັນ

• ເລີ່ມຈາກໄປທີ່ແຂວງສະຫວັນນະເຂດ ຈາກນັ້ນຕໍ່ລົດເມໄປລົງເມືອງດານັງ ປະເທດຫວຽດນາມ ຈາກດານັງມີລົດປະຈຳທາງໄປຮອຍອັນ ອອກທຸກເຄິ່ງຊົວໂມງ
• ຂີ່ຍົນໄປລົງທີ່ເມືອງດານັງ ແລ້ວ ຈຶ່ງຕໍ່ລົດໄປຮອຍອັນ

2.ຫຼວງພະບາງ ປະເທດລາວ(Luangprabang, Laos)

ຫຼວງພະບາງເປັນເມືອງຂະໜາດນ້ອຍແຄມແມ່ນຳ້ຄານ ເປັນເມືອງທີ່ຖືກຈັດໃຫ້ເປັນເມືອງມໍລະດົກໂລກ ເໝາະສຳລັບຄົນທີ່ຍາກໃຊ້ຊິວິດຊ້າໆ ຍ່າງເລາະຫຼີ້ນແບບບໍ່ຕ້ອງຄິດຫຍັງຫຼາຍ ເຂົ້າວັດ ຊົມທຳມະຊາດແລະຖ້າໄປທ່ຽວກໍ່ຫ້າມພາດກາເຟລາວເດັດຂາດ ເພາະວ່າຄວາມແຊບແມ່ນບໍ່ແພ້ບ່ອນອື່ນເລີຍ ຖ້າຍາກທ່ຽວແບບເຢັນສະບາຍຕ້ອງໄປປະມານເດືອນພະຈິກ-ເດືອນມີຖຸນາ ແຕ່ອາກາດຂ້ອນຂ້າງຮອນໜ້ອຍໜຶ່ງ

ສະຖານທີ່ແນະນຳທີ່ທ່ານຄວນໄປ

• ວັດຊຽງທອງ (wat Xieng Thong) – ວັດເກົ່າແກ່ສະຖານປັນຕະຍາກຳແບບລ້ານຊ້າງ ເປັນໜຶ່ງໃນສະຖານທີ່ເປັນຈຸດເດັ່ນຂອງຫຼວງພະບາງເລີຍທີ່ດຽວ
• ວັດໃໝ່ສຸວັນນາພູຄຳ (Wat Mai Suwannaphumaham) – ຫຼື ເວົ້າງ່າຍວ່າວັດໃໝ່ ເຄີຍເປັນທີ່ປະດິດສະຖານພະບາງ ເຊິ່ງແມ່ນພະພຸດທະຮູບຄູ່ເມືອງຫຼວງພະບາງ
• ຖຳ້ຕິ່ງ (Tam Ting Cave) – ແມ່ນຢູ່ຫ່າງຈາກຕົວເມືອງຫຼວງພະບາງປະມານ 25 ກມ. ສະໄໝບູຮານເປັນທີ່ສັກກະລະບວງດວງວິຍານ ຜີຟ້າ ເທວະດາຜາຕິ່່ງ
• ພະລາດຊະວັງຫຼວງພະບາງ (Royal Palace) – ຢູ່ກົງກັນຂ້າມທາງຂື້ນພະທາດພູສີ ແຕ່ກ່ອນເປັນພະລາດຊະວັງ ປະຈຸບັນເປັນບ່ອນເກັບວັດຖຸສຳຄັນ ແລະ ເປັນທີ່ປະດິດສະຖານຂອງ ພະບາງ ພະພຸດທະຮູບຄູ່ບ້ານຄູ່ເມືອງຫຼວງພະບາງ (ຖ້າຈະເຂົ້າຕ້ອງແຕ່ງກາຍສຸພາບ ຜູ້ຍິງຕ້ອງໃສ່ສິ້ນ)
• ນຳ້ຕົກກວາງຊີ (Kuang Si  Waterfall) – ແມ່ນຢູ່ຫ່າງຈາກຕົວເມືອງຫຼວງພະບາງປະມານ 32 ກມ.ນຳ້ຕົກກວາງຊີ ເປັນນຳ້ຕົກທີ່ງາມທີ່ສຸດແລະຂະໜາດໃຫ່ຍທີ່ສຸດໃນຫຼວງພະບາງ
• ນຳ້ຕັກຕາດແສ້ (Tad Sae Waterfall) – ແມ່ນຢູ່ຫ່າງຈາກຕົວເມືອງຫຼວງພະບາງປະມານ 15 ກມ. ລະດັບນຳ້ຕົດບໍ່ສູງຫຼາຍ ເປັນຄືກັບບ່ອນລ່ອຍນຳ້ຂະໜາດໃຫຍ່ເໝາະກັບການລົງເລ່ນນຳ້
• ຕະຫຼາດເຊົ້າ – ຢູ່ໃຈກາງເມືອງ ຄົນຫຼວງພະບາງຈະພາກັນມາຈັບຈ່າຍຊື້ຂອງກັນບ່ອນນີ້ ມີທັງອາຫານສົດ ອາຫານແຫ້ງຫຼາຍຊະນິດ

ການເດີ່ນທາງໄປທ່ຽວຫຼວງພະບາງ

• ເດີ່ນທາງດ້ວຍລົດສ່ວນແມ່ນຈະໃຊ້ເວລາໃນການເດີ່ນທາງປະມານ 7-8 ຊົ່ວໂມງ ຖ້າອອກຈາກນະຄອນຫຼວງວຽງຈັນ
• ເດີ່ນທາງດ້ວຍລົດເມ ຫຼື ລົດຕູ – ຕໍ່່່່່່ລົດຈາກຄິວລົດສາຍເໜືອໄປຫຼວງພະບາງເລີຍ
• ເດີ່ນທາງຜ່ານສາຍການບິນ ເຊິ່ງໃຊ້ເວລາພຽງຊົ່ວໂມງດ່ຽວກໍຮອດຫຼວງພະບາງ

3. ວັງວຽງ (VangVieng, Laos)

ວັງວຽງເປັນເມືອງທີ່ມີສະເໝ່ ໄດ້ຂື້ນຊື່ວ່າເປັນເມືອງໜື່ງທີ່ງາມທີ່ສຸດໃນລາວ ເພາະເຕັມໄປດ້ວຍພູຜ້າ ຖຳ້ ສາຍນຳ້ ​ເຮັດ​ໃຫ້​ວັງ​ວຽງ​ຖືກ​ຍ້ອງ​ຍໍ​ໃຫ້​ຄ້າຍ​ຄື​ ເມືອງ​ກຸ້ຍ​ຫຼິນ  ເປັນເມືອງທີ່ມີຄວາມອຸດົມສົມບູນ ບັນຍາກາດດີ ເປັນອີກຈຸດໝາຍປາຍທາງທີ່ເໝາະແກ່ກັບຄົນທີ່ຍາກຈະມາຜັກຜ່ອນຢູ່ກັບທຳມະຊາດ ແຄມແມ່ນຳ້ຊ່ອງ ຊົມພູເຂົາ ຊິວິດແບບລຽບງ່າຍ ຈຶ່ງໄດ້ເຮັດໃຫ້ເປັນທີ່ຍອດນິຍົມຂອງນັກທ່ອງທ່ຽວທັງພາຍໃນແລະຕ່າງປະເທດ

ສະຖານທີ່ແນະນຳທີ່ທ່ານຄວນໄປ

• ລ່ອງເຮືອ​ຄາ​ຍັກ​ເທິງ​ແມ່ນ້ຳຊອງ ທ່ານ​ສາມາດ​ຕິດ​ຕໍ່​ ຂໍ​ໃຊ້​ບໍລິການ​ໄດ້​ຈາກ​ເຄົາ​ເຕີ​ທົວພາຍ​ໃນຕົວ​ເມືອງ​ວັງ​ວຽງ​ທີ່​ມີ​ໃຫ້​ເລືອກ​ຫຼວງຫຼາຍ ຈາກ​ນັ້ນ​ເລືອກ​ຊ່ວງ​ເວລາ​ທີ່​ຈະ​ໄປ​ເລິ່ມຕົ້ນການ​ລ່ອງ ​ໂດຍ​ກິດຈະ​ກຳ​ລ່ອງ​ຄາ​ຍັກ​​ເທິງ​ແມ່ນ້ຳຊອງຈະ​ໃຊ້​ເວລາ​ປະ​ມານ 4-6 ຊົ່ວ​ໂມງ ​ເຊິ່ງ​ຖ້າ​ໄປ​ລ່ອງ​ໃນ​ຊ່ວງ​ລະດູ​ແລ້ງ​ນີ້ຈະ​ໃຊ້​ເວລາ​ອ່າວ​ດົນ​ກວ່າ ​ແຕ່​ສຳລັບ​ລະດູ​ຝົນ​ການ​ລ່ອງ​ຄາ​ຍັກ​ແມ່ນ​ຈະ​ມີ​ທັງ​ຄວາມ​ໄວ​ ແລະ ​ຄວາມ​ແຮງ ​ເຊິ່ງຈະ​ມ່ວນ​ທີ່​ສຸດ​ເລີຍ.
• ຂື້ນຂີ່ບັນລຸຊົມທິວທັບເມືອງວັງວຽງ ແລະ ເມື່ອຕາມແລງມາກໍ່ຍ່າງເລາະຫາກິນແຊບທີ່ຫາໄດ້ງ່າຍຕະຫຼອດແຄມທາງ
• ຊົມ​ຖ້ຳງາມ​ໃນ​ວັງ​ວຽງ ເມືອງ​ວັງ​ວຽງ​ນອກ​ຈາກ​ຈະ​ເປັນ​ເມືອງ​ທີ່​ສວຍ​ງາ​ມທີ່​ຖືກ​ໂອບອ້ອມ​ດ້ວຍ​ໜ່ວຍພູ​ແລະ​ຜາ​ຫິນ​ອັນ​ສະຫຼັບຊ້ອນ​ ພ້ອມ​ທັງ​ສາຍ​ນ້ຳຊອງ​ທີ່​ແສນ​ງາມ​ແລ້ວ ຍັງ​ມີ​ຖ້ຳທີ່ໜ້າທ່ອງ​ທ່ຽວ​ຈຳນວນ​ຫຼວງຫຼາຍ ​ເຊັ່ນ ຖ້ຳຈັງ, ຖ້ຳຊ້າງ, ຖ້ຳຫອຍ, ຖ້ຳພູ​ຄຳ, ຖ້ຳນ້ຳ, ​ຖ້ຳນອນ ​ແລະ​ຜາຕັ້ງ.

4.ບາລີ ປະເທດອິນໂນເນເຊຍ(Bali, Indonesia)

ບາລີແມ່ນໜຶ່ງໃນເມືອງທີ່ເປັນຈຸດໝາຍຂອງນັກທ່ອງທ່ຽວທົ່ວທັງໂລກ ມີຄົບທັງສາຍຫາດທີ່ສວຍງານ ບັນຍາກາດທີ່ໂລແມນຕິກ ແລະ ຍັງມີວັດທະນາທຳທ້ອງຖິ່ນທີ່ບໍ່ຄືໃຜ ຫາກຍາກໄປທ່ຽວບາລີນັ້ນບໍ່ຍາກເລີຍເພາະຈຳເປັນຕ້ອງໄປຂໍວີຊ້າແລະນັ່ງເຄືອງບິນພຽງແຕ່ 4-5ຊົ່ວໂມງ ສຳລັບຊ່ວງເວລາດີໆ ທີ່ຄວນໄປທ່ຽວຄືປະມານເດືອນເມສາ-ເດືອນກັນຍາ

ສະຖານທີ່ແນະນຳທີ່ທ່ານຄວນໄປ

• ວັດທານາລໍອົດ (Pura Tanah Lot) – ວິຫານຢູ່ເທິງຜາຫີນນອກສາຍຝັງ ອະນຸຍາດໃຫ້ເຂົ້າໄປຂ້າງໃນໄດ້ສະເພາະຜູ້ມາສັກກະລະເທົ່ານັ້ນ ຫາກນັກທ່ອງທ່ຽວຕ້ອງການມາຊົມຄວາມສວຍງາມສາມາດຊົມໄດ້ຈາກເນີນຫີນທີ່ຢູ່ໃກ້ໆກັນ
• ວັດອູລູວາຕູ (Pura Uluwatu) – ໜຶ່ງໃນວັດສຳຄັນຂອງບາລີ ຕັ້ງຢູ່ເທິງໜ້າຜາແຄມທະເລ ໃຜທີ່ຈະມາບ່ອນນີ້ແມ່ນຕ້ອງໃຫ້ລະວັງລີງລັກເຄື່ອງພ້ອມ
• ຫາດກູຕ້າ (Kuta Beach) – ເປັນທີ່ຕັ້ງຂອງຮີສອດຍອດຮິດໃນເມືອງບາລີ ຊາຍຫາດກູຕ້າ ນີ້ມີນັກທ່ອງທ່ຽວມາບໍ່ຂາດສາຍ

ການເດີ່ນທາງໄປທ່ຽວບາລີ

• ແມ່ນເດີ່ນທາງໄປນຳສາຍການບິນໄທ ເຊິ່ງມີສາຍການບິນ ທີ່ບິນຕົງຢູ່ 2 ນັ້ນກໍ່ຄື Air asia ແລະ ການບິນໄທ

5.ໂບລາເຄ ປະເທດພິລິປິນ(Boracay, Philippines)

ໂບລາເຄເປັນເກາະບໍ່ໃຫຍ່ແຕ່ງາມຈົນຕິດອັນດັບໂລກ ມີສາຍຫາດທີ່ຍາວ 4ກມ ຊາຍຫາດຂອງເກາະນີ້ເອີ່ນວ່າ White Beach ທີ່ທັງໂຮງແຮມແລະຮີສອດລະດັບຫ້າດາວ ມີຮ້ານຄ້າ ຮ້ານອາຫານ ບາ ແລະ ມີບ່ອນໃຫ້ປາຕີ້ກັນຢ່າງເຕັມທີ່ ຖ້າຍາກຫາບັນຍາກາດດີໆ ພັກຜ່ອນສະບາຍໆ ຕ້ອງໄປທີ່ທາງໃຕ້ສຸດຂອງຫາດ ແລະ ຊ່ວງທີ່ນັກທ່ອງທ່ຽວນິຍົມໄປຫຼາຍ ແມ່ນເດືອນພະຈິກຂື້ນໄປ

ການເດີ່ນທາງໄປທ່ຽວໂບລາເຄ

• ເດີ່ນທາງຈາກລາວໄປຍັງມະນິລາກ່ອນ ແລ້ວຈຶ່ງຕໍ່ເຄື່ອງບິນໄປລົງສະໜາມບິນ Caticlan ຫຼື Kalibo ຈາກນັ້ນຈຶ່ງຕໍ່ລົດໄປຍັງເກາະໂບລາເຄຍ

6.ສິງກະໂປ (Singapore)

ຖ້າເວົ້າເຖິງສິງກະໂປ ທຸກໆຄົນອາດຈະຮູ້ຂໍ້ມູນຢູ່ແລ້ວ ເຖິງຈະເປັນປະເທດຂະໜາດນ້ອຍ ແຕ່ສິງກະໂປກໍ່ມີບ່ອນທ່ຽວໃຫ້ທ່ຽວຫຼາຍໆບ່ອນ ນອກຈາກສະຖານທີ່ທ່ອງທ່ຽວລາກຫຼາຍແລ້ວ ຄວາມສະດວກສະບາຍແລະຄວາມປອດໄພໃນການເດີ່ນທາງທີ່ຂອນຂ້າງດີ ເຮັດໃຫ້ການທ່ອງທ່ຽວໃນສິງກະໂປເປັນເລື່ອງງ່າຍ ໃຜໆກໍ່ສາມາດໄປທ່ຽວເອງໄດ້

ສະຖານທີ່ແນະນຳທີ່ທ່ານຄວນໄປ

• Universal Studios Singapore ເປັນທີ່ຍອດນິຍົມທີ່ທຸກໆບໍ່ຄວນພາດ ເຊິ່ງຢູ່ໃກ້ໆກັບ Universal Studios ເທິງເກາະ Sentosa ຍັງມີສະຖານທີ່ທ່ອງທ່ຽວອຶ່ນໆ ອີກຫຼາຍ
• Singapore Flyer ຊິງຊ້າສະຫວັນທີ່ສາມາດຊົມວິວໄດ້ແບບ 360ອົງສາ ເຊິ່ງສາມາດເຫັນວິວສິງກະໂປທັງທົ່ວກາງວັນ ແລະ ກາງຄືນອີກດ້ວຍ
• Garden by the Bay ແມ່ນຈຸດ  Flower Dome ຈັດສະແດງດອກໄມ້ນານາພັນທີ່ຕົກແຕ່ງຢ່າງສວຍງາມ Cloud Forest ຄ້າຍຄືກັບສວ່ນລອຍຟ້າ ແລະ ບໍລິເວນSupertree Grove ຕົ້ນໄມ້ຂະໜາດໃຫ່ຍ ປະດັບປະດາດ້ວຍແສງໄຟຍາມກາງຄືນ
• China Town ອີກໜຶ່ງຢ່າງທີ່ມີສີສັນ ເພາະບ່ອນນີ້ລວມວັດທະນາທຳເກົ່າແລະໃໝ່ໄວ້ນຳກັນດ້ວຍຄວາມລົງຕົວ
• Marina Bay Sands ໂຮງແຮມລະດັບຫ້າດາວ ທີ່ພາຍໃນມີທັງຫ້າງປະສັບສິນຄ້າ ຄາສິໂນ ແລະ ຮ້ານ ອາຫານ

ການເດີ່ນທາງໄປທ່ຽວສິງກະໂປ

• ການເດີ່ນທາງຈາກລາວໄປສິງກະໂປມີຫຼາຍສາຍບິນໃຫ້ເລືອກ ເຊິ່ງໃຊ້ເວລາໃນກາານເດີ່ນທາງປະມານ 2ຊົ່ວໂມງກວ່າໆ

7.ບາງກອກ ປະເທດໄທ(BangKok, Thailand)

ດິນແດນທີ່ເຕັມໄປດ້ວຍທີ່ໜ້າສົນໃຈ ບາງກອກເປັນເມືອງຫຼວງຂອງໄທທີ່ມີຂະໜາດໃຫ່ຍທີ່ເຕັມໄປດ້ວຍຜູ້ຄົນ ແລະ ມີສະຖານທີ່ໃຫ້ທ່ຽວເປັນຈຳນວນຫຼວງຫຼາຍ ບໍ່ວ່າຈະເປັນວັດວາອາຣາມເຊັ່ນ ວັດພະແກ້ວ ວັດແຈ້ງ ນອກຈາກນີ້້ມີແຫ່ງຂອງກິນຊື່ດັງທີ່ຢູ່ທົ່ວກຸງເທບ ດ້ານແສງສີຍາມຄ້ຳຄືນກໍ່ເປັນທີ່ດຶງດູດຂອງນັກທ່ອງທ່ຽວ. ກຸງເທບຖືໄດ້ຖືເປັັນປາຍທາງທີ່ທຸກຄົນມັກມາທ່ຽວຊົມ ແລະ ທ່ອງທ່ຽວທີ່ມີນັກທ່ອງທ່ຽວເຂົ້າມາເປັນຈຳນວນຫຫຼາຍຕິດອັນດັບຂອງໂລກ

ສະຖານທີ່ແນະນຳທີ່ທ່ານຄວນໄປ

• ເຍົາວະລາດ – ເປັນຖະໜົນສາຍໜຶ່ງໃນກຸງເທບ ທີ່ໄດ້ຮັບການກ່າວຂະໜານແລະຂະໜານນາມວ່າເປັນຖະໜົນມັງກອນ ໄລຍະທາງຍາວຕະຫຼອດເສັ້ນທາງຖະໜົນປະມານ 1ກມ ນອກຈາກເປັນຊຸມຊົນຊາວຈີນແລະຊາວໄທເຊື້ອສາຍຈີນ ຈັດເປັນແຫ່ງການຄ້າ ຮ້ານອາຫານ ຮ້ານທອງ ເພາະເປັນແຫ່ງທີ່ຖືກຈັດເປັນແຫ່ງທີ່ອາຫານທີ່ມີຂອງກິນແຊບຕະຫຼອດທາງຍ່າງ
• ວັດພະແກ້ວ – ຖືວ່າເປັນວັດຄູ່ບ້ານຄູ່ເມືອງກັນເລີຍທີ່ດ່ຽວ ເຊິ່ງອ້ອມຮອດ້ວຍສະຖານປະຕະຍາກຳແລະສິລະປະກຳອັນຊົງຄຸນຄ່າ ງົດງາມ ແລະ ສວຍງາມ

8.ສຽບຣຽບປະເເທດກຳປູເຈຍ(Seim Reap, Combodia)

ສຽບຣຽບເປັນທີ່ຮູ້ຈັກກັນດີວ່າເປັນທີ່ຕັ້ງຂອງນະຄອນວັດ 1ໃນ7 ສິ່ງມະຫັດສະຈັນຂອງໂລກຍຸດໃໝ່ ເປັນແຫ່ງທ່ອງທ່ຽວທາງປະຫວັດຕິສາດທີ່ສຳຄັນຫຼາຍຂອງກຳປູເຈຍ ແຕ່ສຽບຣຽບກໍ່ບໍ່ໄດ້ມີແຕ່ປະສາດເທົ່ານັ້ນ ນັກທ່ອງທ່ຽວສາມາດປ່ຽນບັນຍາກາດໄປຂີ່ເຮືອຊົມວິທີຊິວິດຊາວປະມົງທີ່ໝູ່ບ້ານລອຍນຳ້ໃນທະເລສາບທີ່ໃໝ່ີ່ສຸດໃນເອເຊຍຕະເວັນອອກສຽງໃຕ້ໄດ້

ສະຖານທີ່ແນະນຳທີ່ທ່ານຄວນໄປ

• ອັງກໍວັດ (Angkor Wat – Angor Thom)  – ຖ້ານຶກເຖິງສະຖານທີ່ທ່ອງທ່ຽວໃນກຳປູເຈ້ຍກໍ່ຕ້ອງນຶກເຖິງທີ່ນີ້ເປັນແຫ່ງທຳອິດ ທີ່ປຽບເໝືອນສັນຍະລັກຂອງເມືອງເສືອງລຽບໄປແລ້ວ
• ປະສາດຕາພົມ (Ta Prohm) – ເປັນວັດໃນພຸດທະສາດສະໜາແລະວິຫານຫຼວງ ເຊິ່ງມີຫາກໄມ້ກ້ຽວພາດຢູ່ເທິງປະສາດ
• ປະສາດບັນທາຍ (Banteay Srei) – ດ້ວຍລວດລາຍສິລະປະເທິງຕົວປະສາດທີ່ສວຍງາມເປັນເອກະລັກ ເຮັດໃຫແຫ່ງນີ້ໄດ້ຂື້ນຊື່ວ່າເປັນໜຶ່ງໃນປະສາດຫີນທີ່ງາມທີ່ສຸດໃນກຳປູເຈ້ຍ
• ທະເລສາບໂຕນ (TonIe Sap) – ທະເລສາບນຳ້ຈືດທີ່ໃຫ່ຍທີ່ສຸດໃນເອເຊຍຕະເວັນອອກສຽງໃຕ້ ຄອບຄຸມພື້ນທີ່ 5 ແຂວງຂອງກຳປູເຈ້ຍລວມທັງເສືອງລຽບນຳ

ການເດີ່ນທາງໄປທ່ຽວສຽບຣຽບ

• ບິນຕົງຈາກ ນະຄອນຫຼວງວຽງຈັນ ຫຼື ປາກເຊໄປສຽບຣຽບ ປັດຈຸບັນສາຍການບິນທີ່ໃຫ້ບໍລິການແມ່ນ ສາຍການບິນລາວ

9.ຊະວາຕະເວັນອອກ (East Java, Indonesia)

ໜຶ່ງໃນເມືອງທ່ອງທ່ຽວຍອດນິຍົມຂອງອິນໂດເນເຊຍ ເພາະເປັນທີ່ຕັ້ງຂອງພູເຂົາໄຟໂບລະໂມທີ່ຍັງມີຄວນກະທຸອອກມາຢູ່ຕະຫຼອດ ສ່ວນໃຫ່ຍນັກທ່ອງທ່ຽວຈະເດີ່ນທາງຂື້ນໄປເທິງພູເຂົາໄຟຊ່ວງຟ້າສະຫວ່າງ ເພື່ອໃຫ້ທັງເບິ່ງພະອາທິດຂື້ນ ນອກຈາກນີ້ຍັງມີສະຖານທີ່ທຳມະຊາດໃນເມືອງອື່ນໆ ທີ່ໜ້າສົນໃຈຫຼາຍແຫ່ງ

ສະຖານທີ່ແນະນຳທີ່ທ່ານຄວນໄປ

• ພູເຂົາໄຟໂບລະໂມ (Mount Bromo) – ຢູ່ໃນອຸທະຍານແຫ່ງຊາດໂບລະມົດເກີເຊເມຮູ ເຖິງບໍ່ໄດ້ເປັນພູເຂົາທີ່ສູງທີ່ສຸດ ແຕ່ເປັນແຫ່ງທ່ອງທ່ຽວຍອດນິຍົມຂອງນັກທ່ອງທ່ຽວ
• ນ້ໍາຕົກໂຄບັນເປີລາງີ (Coban Pelangi Waterfall) – ຢູ່ທາງຕະເວັນອອກຂອງເມືອງມາລັງ ເປັນສະຖານທີ່ງຽບສະຫງົບ ໃກ້ໆ ກັບນຳ້ຕົກມີຮີສອດນ້ອຍໆ ທີ່ມີວິວສວຍງາມ
• Baluran National Park- ອຸທະຍານແຫ່ງຊາດທີ່ອຸດົມສົມບູນ ໃຈກາງອຸທະຍານເປັນທີ່ຕັ້ງຂອງພູເຂົາໄຟ Baluran

10.ຮາລອງເບ ປະເທດຫວຽດນາມ(Ha Long Bay ,Vietnam)

ຮາລອງເບ ມະຫັດສະຈັນແຫ່ງອ່າວມັງກອນນຳ້ຕົກ ຕາມນິທານຂອງຊາວຫວຽດນາມໄດ້ກ່າວວ່າ ເຄີຍມີມັງກອນບູຮານເຊິ່ງລອນລົງໃນອ່າວແຫ່ງນີ້ເມື່ອຄັ້ງດຶກດຳບັ ແລະ ຊື່ຂອງຮາລອງ ກໍ່ແປວ່າ ມັງກອນລອນລົງ ຈາກຄວາມສວຍງາມແລະສົມບູນຂອງອ່າວຮາລອງເບ ເຮັດໃຫ້ແຫ່ງນີ້ຖືກຍົກໃຫ້ເປັນມໍລະດົກໂລກທາງທຳມະຊາດ ຈາກອົງການ UNESCO ໃນປີ 1994 ສະເໝ່ອີກບ່ອນນີ້ກໍ່ຄື ເກາະຫີນປູນເກືອບ 2,000 ເກາະ ເຊິ່ງມີຖຳ້ຫຼາຍທີ່ຖ້າໃຫ້ເຮົາເຂົ້າໄປທ່ຽວຊົມ ແລະ ຍັງມີເຮືອທາຍັກໃຫ້ຂີ່ອີກດ້ວຍ