ຄວາມໝາຍທຸງຊາດ

ຄວາມໝາຍຂອງທຸງຊາດ

ສຳຫຼັບຫຼັກການວິທີການປະດັບທຸງອາຊຽນແລະທຸງຊາດຂອງປະເທດສະມາຊິກອາຊຽນໃຫ້ລຽງໂດຍເລີ່ມຕົ້ມຈາກທຸງອາຊຽນແລ້ວຕໍ່ດ້ວຍສະມາຊິກ 10 ປະເທດ ຕາມລຳດັບອັກສອນຊື່ປະເທດມີດັ່ງນີ້:

1.Brunei Darussalam (ບຣູໄນ ດາຣູຊາຮາມ)

ຫຼັກຊະນະຂອງທຸງຊາດມີພື້ນສີເຫຼືອງ ໂດຍມີແຖບສີຂາວ  ແລະສີດຳ ພາດຕາມແນວສະແຄງມູມຈາກດ້ານຄັນທຸງຈົນປາຍທຸງເຊິ່ງແຖບສີຂາວຢູ່ດ້ານເທິງ  ແຖບສີດຳຢູ່ດ້ານລຸ່ມ ຂະນະທີ່ກາງທຸງນັ້ນມີກາແຜ່ນດິນຂອງບຣູໄນປະທັບຢູ່ ເຊິ່ງສີຕ່າງໆມີຄວາມໝາຍດັ່ງນີ້:

• ສີເຫຼືອງໝາຍເຖິງກະສັດ.
• ສີຂາວແລະສີດຳໝາຍເຖິງມຸກຂະມົນຕີ (ມຸກຂະມົນຕີ: ປະທານຄະນະເສນາບໍດີ)

+ສາເຫດທີ່ທຸງຊາດບຣູໄນໃສ່ສີເຫຼືອງສື່ເຖິງກະສັດນັ້ນ ເນື່ອງຈາກທຸງປະຈຳພະອົງຂອງສຸລະຕ່ານແຫ່ງບຣູໄນໃຊ້ພື້ນສີເຫຼືອງ.

2.Kingdom of Cambodia (ລາຊອານາຈັກກຳປູເຈຍ)

ລັກສະນະສີທຸງແບ່ງຕາມແນວຍາວເປັນ 3 ສ່ວນໂດຍສ່ວນກາງເປັນສີແດງກວ້າງເທົ່າກັບ 2 ສ່ວນຂອງສີຟ້າມີຮູບປະສາດຫີນນະຄອນວັດສາມຍອດສີຂາວ ຢູ່ບໍລິເວນເຄິ່ງກາງຂອງທຸງສ່ວນດ້ານນອກທັງສອງດ້ານມີສີຟ້າແລະກວ້າງເບື້ອ່ງລະໜຶ່ງສ່ວນເທົ່າກັນໂດຍສີຕ່າງໆ ແລະສັນຍາລັກຕ່າງໆ ຂອງທຸງມີຄວາມ ໝາຍດັ່ງນີ້:

• ສີຟ້າໝາຍເຖິງກະສັດ.
• ສີແດງໝາຍເຖິງຊາດ.
• ສ່ວນນະຄອນວັດສີຂາວນັ້ນໝາຍເຖິງສັນຕິພາບ.

3.Republic of Indonesia (ສາທາລະນະລັດ ອິນໂດເນເຊຍ)

ພື້ນທຸງແບ່ງເປັນສອງສ່ວນຕາມແນວນອນ ໂດຍສີຕ່າງໆ ຂອງທຸງມີ ຄວາມໝາຍດັ່ງນີ້:

• ສີແດງມາຍເຖິງຄວາມກ້າຫານແລະອິດສະຫຼະພາບ.
• ສີຂາວໝາຍເຖິງຄວາມບໍລິສຸດຍຸດຕິທຳ.

4.Lao People’s Democratic Republic (ສາທາລະນະລັດ ປະຊາທິປະໄຕ ປະຊາຊົນລາວ)

ລັກສະນະຜືນທຸງແບ່ງຕາມແນວຍາວອອກເປັນ 3 ສ່ວນ ໂດຍແຖບເຄິ່ງກາງເປັນສີຟ້າກ້ວາງ 2 ສ່ວນມີ ພະຈັນວົງມົນສີຂາວຢູ່ເຄິ່ງກາງລັກສະນະແຖບ ຂ້າງນອກທັງ 2 ຂ້າງເປັນສີແດງ ແລະກ້ວາງເທົ່າດ້ານລະເຄິ່ງໜຶ່ງຂອງສີຟ້າ ສີຕ່າງໆມີຄວາມໝາຍດັ່ງນີ້:

• ສີແດງໝາຍເລື້ອດເນື້ອຂອງນັກຮົບປະຕິວັດລາວ.
• ສີຟ້າໝາຍເຖິງຄວາມອຸດົມສົມບູນທາງດ້ານຊັບພະຍາກອນທຳມະຊາດ.
• ສີຂາວ ໝາຍເຖິງ ຄວາມບໍລິສຸດຜຸດຜ່ອງ ທີ່ມີດວງເດືອນຢູ່ກາງ ໝາຍເຖິງຄວາມເປັນເອກະພາບ ມີຈິດໜຶ່ງໃຈດຽວກັນຂອງປະຊາຊົນໃນຊາດ ພາຍໃຕ້ການປົກຄອງຂອງພັກປະຊາຊົນປະຕິວັດລາວ.

5.Malaysia (ມາເລເຊຍ)

ມີແຖບສີແດງສະລັບສີຂາວລວມ 14 ແຖບແຕ່ລະແຖບມີຄວາມກວ້າງເທົ່າກັນທີ່ມຸມດ້ານຄັນທຸງມີຮູບສີ່ແຈສາກສີຟ້າກວ້າງ 8 ໃນ 14 ສ່ວນຂອງຜືນທຸງ ແລະຍາວເຄິ່ງໜຶ່ງຂອງຜືນທຸງພາຍໃນຮູບສີ່ແຈສາກມີເຄື່ອງໝາຍພະຈັນສ້ຽວ ແລະດາວ 14 ແຈ ເຊິ່ງສີ ແລະສັນຍາລັກຕ່າງໆ ມີຄວາມໝາຍດັ່ງນີ້:

• ແຖບສີແດງ ແລະສີຂາວທັງ 14 ແຖບໝາຍເຖິງສະຖານະອັນສະເໝີພາກຂອງລັດສະມາຊິກທັງ 13 ລັດພາຍໃນປະເທດມາເລເຊຍ.
• ດາວ 14 ແຈ ໝາຍເຖິງຄວາມເປັນເອກະພາບໃນໝູ່ລັດດັ່ງກ່າວທັງໝົດ.
• ພະຈັນສ້ຽວໝາຍເຖິງສາສໜາອິດສ໌ລາມອັນເປັນສາສໜາປະຈຳຊາດ.
• ສີເຫຼືອງຂອງພະຈັນແລະດາວ 14 ແຈສື່ເຖິງຜູ້ເປັນປະມຸກແຫ່ງສະຫະພັນລັດ.
• ສີຟ້າໝາຍເຖິງຄວາມສາມັກຄີຂອງຊາວມາເລເຊຍ.

6.Republic of the Union of Myanmar (ສາທາລະນະລັດແຫ່ງສະຫະພາບມ່ຽນມ່າ)

ທຸງແບ່ງຕາມລວງຍາວອອກເປັນ 3 ສ່ວນແລະມີຄວາມກ້ວາງເທົ່າກັນໂດຍແຕ່ລະສ່ວນມີສີທີແຕກຕ່າງກັນ ໄລ່ຈາກເທິງລົງລຸ່ມ ຄືສີເຫຼືອງ ສີຂາວ  ແລະສີແດງ  ເຄິ່ງກາງທຸງມີຮູບດາວ 5 ແຈສີຂາວຂະໜາດໃຫຍ່ ເຊິ່ງສີ ແລະສັນຍາລັກ ຕ່າງໆ ມີຄວາມໝາຍດັ່ງນີ້:

• ສີຂຽວໝາຍເຖິງສັນຕິພາບ ຄວາມສະຫງົບ ແລະ ຄວາມອຸດົມສົມບູນຂອງມ່ຽນມ່າ.
• ສີເຫຼືອງໝາຍເຖິງຄວາມສາມັກຄີ.
• ສີແດງໝາຍເຖິງຄວາມກ້າຫານ ຄວາມເຂັ້ມແຂງເດັດຂາດ.
• ດາວສີຂາວໝາຍເຖິງສະຫະພາບອັນໝັ້ນຄົງເປັນເອກະພາບ.

7.Republic of the Philippines (ສາທາລະນະລັດຟີລິບປິນ)

ດ້ານຕົ້ນທຸງເປັນຮູບສາມຫລ່ຽມສີຂາວ ເປັນເຄື່ອງໝາຍແທນຄວາມສະເໝີພາກເຊິ່ງພາຍໃນສາມຫຼ່ຽມສີຂາວປະກອບດ້ວຍດວງອາທິດລັດສະໝີ 8 ແຈອ້ອມ ດ້ວຍດາວ 5 ແຈຈຳນວນ 3 ດວງ ແລະຕັ້ງຢູ່ຕາມມູມຂອງຮູບສາມຫຼ່ຽມ ເຊິ່ງສັນຍາລັກທັງໝົດ ລ້ວນເປັນສີທອງ ສ່ວນດ້ານທີ່ເຫຼືອຂອງທຸງ ແບ່ງເຄິ່ງຕາມລວງຍາວ ແຖບເທິງເປັນສີຟ້າ ແລະແຖບລຸ່ມເປັນສີແດງ.ຖ້າຫາກວ່າທັງສອງສີດັ່ງກ່າວ ຫາກມີການສະລັບກັນຄືແດງຢູ່ເທິງ ແລະຟ້າຢູ່ລຸ່ມສະແດງວ່າ ຂະນະນັ້ນປະເທດກຳລັງ ຢູ່ໃນພາວະສົງຄາມກສ່ວນສີ ແລະສັນຍາລັກຕ່າງໆ ມີຄວາມໝາຍດັ່ງນີ້:

• ສີຟ້າໝາຍເຖິງສັນຕິພາບສັດຈະ ແລະ ຄວາມຍຸດຕິທຳ.
• ສີແດງໝາຍເຖິງຄວາມຮັກຊາດ ແລະ ຄວາມມີຄຸນຄ່າ.
• ດວງອາທິດມີລັດສະໝີ 8 ແຈໝາຍເຖິງ 8 ແຂວງທຳອິດຂອງປະເທດທີ່ມີຄວາມພະຍາຍາມໃນການຮຽກຮ້ອງເອກະລາດຈາກປະເທດສະເປນກະ    ທັ້ງເກີດການ ປະຕິວັດໃນປີ 1896.
• ດາວສາມດວງໝາຍເຖິງການແບ່ງພື້ນທີ່ທາງພູມສາດຂອງປະເທດອອກເປັນ 3 ສ່ວນໃຫຍ່ໆ ໄດ້ແກ່ເກາະລູຊອນ ເກາະມິນດາເນົາແລະໝູ່ເກາະວິສາຍັນ.

8. Republic of Singapore (ສາທາລະນະລັດສິງກະໂປ)

ປະກອບດ້ວຍແຖບສອງສີແບ່ງເຄິ່ງກາງທຸງ ແຖບສີແດງຢູ່ເທິງ ແລະສີຂາວຢູ່ລຸ່ມ ທີ່ມູມດ້ານເທິງຂອງຄັນທຸງເປັນຮູບພະຈັນສ້ຽວ ຖັດຈາກຮູບດັ່ງກ່າວມີດາວ 5 ແຈຈຳນວນ 5 ດວງຮຽງກັນເປັນຮູບຫ້າຫຼ່ຽມ ໂດຍຮູບພະຈັນ ແລະດາວຕ່າງກໍມີສີຂາວເຊິ່ງສີ ແລະສັນຍາລັກຕ່າງໆ ມີຄວາມໝາຍດັ່ງນີ້:

• ສີແດງໝາຍເຖິງຄວາມສະເໝີພາກຂອງມະນຸດໂດຍທົ່ວໜ້າ.
• ສີຂາວໝາຍເຖິງຄວາມບໍລິສຸດແລະຄວາມດີງາມທີ່ແພ່ຫຼາຍແລະຄົງຢູ່ຕະຫຼອດການ.
• ຮູບພະຈັນ ເຊິ່ງເປັນພະຈັນສ້ຽວຂ້າງຂຶ້ນ(ເດື່ອນຂື້ນ)ໝາຍເຖິງຄວາມເປັນຊາດໃໝ່ທີ່ຖືກຳເນີດຂຶ້ນ.
• ດາວ 5 ດວງໝາຍເຖິງ ອຸດົມຄະຕິ 5 ປະການຂອງຊາດ ໄດ້ແກ່ປະຊາທິປະໄຕ ສັນຕິພາບ ຄວາມກ້າວໜ້າ ຄວາມຍຸດຕິທຳ ແລະຄວາມສະເໝີພາກ.

9. Kingdom of Thailand (ລາຊອານາຈັກໄທ)

ປະກອບດ້ວຍ 3 ສີຫລັກໄດ້ແກ່ສີແດງ ສີຂາວແລະສີຟ້າແບ່ງເປັນ 5 ແຖບເຊິ່ງແຖບເຄິ່ງການເປັນສີຟ້າສອງແຖບເທິງແລະລຸ່ມເປັນສີຂາວແລະສີແດງ ແຖບສີຟ້າໃຫຍ່ກວ່າແຖບສີອື່ນ 2 ເທົ່າສ່ວນສີຕ່າງໆ ມີຄວາມໝາຍດັ່ງນີ້:

• ສີແດງໝາຍເຖິງ ຊາດ.
• ສີຂາວໝາຍເຖິງ ສາດສະໜາ.
• ສີຟ້າໝາຍເຖິງ ພະມະຫາກະສັດ.

+ແນວໃດກໍຕາມມີການເອີ້ນຊື່ທຸງນີ້ວ່າ ທຸງໄຕລົງ (ທຸງສາມສີ) ເນື່ອງຈາກພະບາດສົມເດັດພະມຸງກຸດເກົ້າເຈົ້າຢູ່ຫົວ ຊົງພະລາຊະນິພົນ ເຄື່ອງໝາຍໄຕລົງ ໄວ້ເມື່ອ ປີ 1921 ໂດຍໄດ້ນິຍາມຄວາມໝາຍຂອງທຸງໄຕລົງວ່າ:

• ສີແດງ ໝາຍເຖິງ ເລືອດອັນຍອມເສຍສະຫຼະເພື່ອຊາດ.
• ສີຂາວ ໝາຍເຖິງ ຄວາມບໍລິສຸດແຫ່ງພະພຸດທະສາດສະໜາ ແລະທຳມະ.
• ສີຟ້າ  ໝາຍເຖິງ ສີສ່ວນພະອົງຂອງອົງພະມະຫາກະສັດ.
• ເຖິງແມ່ນນິຍາມດັ່ງກ່າວຈະບໍ່ແມ່ນຄຳອະທິບາຍທີ່ຊົງປະກາດໃຊ້ຢ່າງເປັນທາງການ ແຕ່ທັງສາມສິ່ງນີ້ຄືອຸດົມການລັດທີ່ພະອົງຊົງປູກຝັງ ເພື່ອໃຫ້ຄົນໄທມີຄວາມເປັນຊາດນິຍົມມາຕະຫຼອດ.

10. Socialist Republic of Vietnam (ສາທາລະນະລັດສັງຄົມນິຍົມຫວຽດນາມ)

ພື້້ນທຸງເປັນສີແດງລ້ວນ ເຄິ່ງກາງທຸງມີຮູບດາວ 5 ແຈເປັນ ສີເຫຼືອງຄຳເປັນທີ່ເຂົ້າໃຈກັນທົ່ວໄປວ່າໝາຍເຖິງຊົນຊັ້ນຕ່າງໆໃນສັງຄົມຫວຽດນາມຄື:ນັກປາດ, ຊາວນາ,ຊ່າງຝີມື,ພໍ່ຄ້າ ແລະ ທະຫານສ່ວນສີຕ່າງໆ ມີຄວາມໝາຍດັ່ງນີ້:

• ສີແດງໝາຍເຖິງການຕໍ່ສູ້ເພື່ອກູ້ເອກະລາດຂອງຊາວຫວຽດນາມ.
• ສີເຫຼືອງໝາຍເຖິງຊາວຫວຽດນາມ.

+ພາຍຫລັງລວມຊາດຫວຽດນາມໃນປີ 1976  ຄວາມໝາຍຂອງທຸງໄດ້ມີການອະທິບາຍໃໝ່ໃນທາງການເມືອງວ່າ

• ສີແດງໝາຍເຖິງການປະຕິວັດໂດຍຊົນຊັ້ນກຳມະຊີບ.
• ດາວສີເຫຼືອງ ໝາຍເຖິງການຊີ້ນຳຂອງພັກຄອມມຸຍນິດຫວຽດນາມ.

ຂອບໃຈຂໍ້ມູນ: hilight.kapook.com,laopost.com